З дня публікацыі пра з’яўленне беларускай лакалізацыі ў прайгравальніку тэкставых квэстаў UrqW я займаўся рэдагаваннем калекцыі саміх гульняў, якія некалі перакладаў і пісаў сам. З’явілася нагода вярнуцца да тых квэстаў і паправіць іх. Цяпер праца скончана і мне ў прынцыпе не сорамна за якасць тэкстаў.
На дадзены момант у калекцыі 17 гульняў рознага памеру і жанру, ад дзіцячых цацак да хардкору.
Анлайн-прайгравальнік з убудаванай калекцыяй гульняў абноўлены.
Зайдзіце і палюбуйцеся на яго.
Прайгравальнік працуе пры дапамозе ўсталяванага ў сістэму браўзера, таму варта дадаткова адзначыць, што нашы гульні працуюць і на смартфоне. Адкрыйце ў мабільным браўзеры спасылку на анлайн-прайгравальнік і паспрабуйце.
Калі вы хочаце пагуляць у гульні афлайн, ці захацелася паглядзець, як зроблены такія квэсты, то тут можна спампаваць лакальную версію плэера з гульнямі.
Непасрэдна самі гульні знаходзяцца ў падкаталогу quests.
Азнаёмцеся з файлам “Прачытай мяне! .txt”.
Калі вы разбярэцеся з нескладаным сінтаксісам Urql і напішаце сваю гульню, то мы з задавальненнем размясцім яе на сайце. Гэта цудоўны від сучаснай творчасці, які даступны кожнаму, у каго ёсць час і ахвота.